Студенческие игры БГУ

ЁН у выглядзе вялікага вока на карціне мастака 19-га стагоддзя сімвалізуе жаданне падняцца над зямной мітуснёй і зазірнуць за межы вядомага свету. Іншая выява ЯГО знаёма многім людзям, якія маюць праблемы са зрокам. Назавіце ЯГО двума словамі.

Маракі з аднаго рамана на доўгі час захраслі ў льдах, але нарэшце да іх прыйшла дапамога. Вырашаючы, каго эвакуіраваць у першую чаргу, капітан ацаніў псіхалагічны стан маракоў, зыходзячы з памеру ЯЕ. Імператар Юльян не адрозніваўся чысцінёй і нават хваліўся ЯЕ населенасцю. Назавіце ЯЕ.

Выканваючы арыю з адной оперы, гераіня серыяла адразае касічку дырыжору-каханку. Неўзабаве пасля гэтага дырыжору не працягваюць кантракт. Назавіце любога з загалоўных герояў гэтай оперы.

Дзеці з аднаго серыяла падчас ежы гуляюць у шашкі. Згубіўшы некалькі фішак, дзеці пачынаюць выкарыстоўваць ІХ. Назавіце ІХ дакладна.

Хоць медсястра з аднаго рамана доўга даглядала раненага, які знаходзіўся ў коме, карміла яго і прыбірала за ім, а пасля нанова навучыла хадзіць, герой адмаўляецца ад шлюбу з ёй. Свой учынак ён тлумачыць нежаданнем быць падобным да ІКСа. Назавіце імя ІКСа.

У выніку Рэфармацыі ў Еўропе стала значна менш каталіцкіх манархій. Марцін Рэйдзі лічыць гэта ўскоснай прычынай вядомай асаблівасці. Назавіце гэтую асаблівасць двума словамі на адну і тую ж літару.

Дуплет. Два пытанні па трыццаць секунд абмеркавАння на кожнае; адказы здаюцца на адным бланку. 1) Па сюжэце серыяла "Джэк Раян" загалоўны герой пакідае бяспечную працу ПРОПУСК і далучаецца да барацьбы з міжнародным тэрарызмам. Запоўніце ПРОПУСК двума словамі. 2) Акцёр, які выканаў загалоўную ролю ў серыяле "Джэк Раян", сваёй папулярнасцю абавязаны працы ПРОПУСК. Запоўніце ПРОПУСК двума словамі.

Альтэрнатыўны дызайн, прапанаваны Грэем Кроўфардам, аблягчае запамінанне правіл. Так, напрыклад, на раздаткавым матэрыяле прадстаўлены ЯНЫ. Назавіце ІХ.

Перад вамі цытата ІКСа пра яго адносіны з ІГРЭКам. Назавіце ІКСа і ІГРЭКа ў любым парадку.

Вершы зборніка “Жалейка” прысвЕчаны сельскаму жыццю пачатку ХХ стагоддзя. Скептычна ставячыся да свайго паэтычнага таленту, Янка Купала з іроніяй заўважаў, што праз сто гадоў “Жалейку” будуць чытаць хіба што графы. Якія чатыры літары ў гэтым пытанні мы прапусцілі?

Сітуацыя, калі ніводная каманда не адказала на пытанне правільна, для рэдактараў “Што? Дзе? Калі?” непажадана, але гэтак жа непажадАана і стопрацэнтнае ўзяцце. Кажучы пра гэта, аўтар пытання згадвае іншую гульню. Я сказаў дастаткова, цяпер адкажыце: што гэта за гульня?

Cтасуючыся з дзяўчынай пры дапамозе спецыяльна наладжаных чат-ботаў, Аляксандр Жадан змог дамагчыся яе прыхільнасці і пасля нават зрабіў дзяўчыне прапанову. Аўтар пытання лічыць, што для распрацоўкі Жадана падышла б назва, якая адсылае да вядомага персанажа. Расшыфруйце тры апошнія літары гэтай назвы.

Даведаўшыся пра тое, што знаёмая занялася сексам з ІКСАМ, персанаж аднаго серыяла выказвае надзею, што прэзерватыў герой усё ж апрануў па-сапраўднаму. Назавіце ІКСа кароткім словам.

Уладальнікі адной варшаўскай крамы - эмігранты, якія, нягледзячы на добрыя ўмовы пражывання, жадаюць вярнуцца на радзіму. Напішыце назву гэтай крамы, якую мы крыху скарацілі.

Герой аднаго твора расчараваўся ў вяртанні ў СССР. Ён наракае, што ў свой час не заўважыў вялізнага ЯГО на палубе карабля. Назавіце ЯГО двума словамі.

На гравюры пачатку 19-га стагодзьдзя войска Напалеона нападае на Брытанію, выкарыстоўваючы ў тым ліку й ЯГО. Насамрэч ЯГО адкрылі толькі амаль праз два стагодзьдзі. Назавіце ЯГО дакладна.

У гэтым пытаньні двойчы прапушчаны адны й тыя ж словы. Пэрсанаж «Карпарацыі монстраў» ПРОПУСК і таму патрапіў у пастку. Хто напрыканцы 2023 году апраўдваўся тым, што ПРОПУСК?

Адзін інтэрнэт-карыстальнік жартуе, што ня ведае, як паўплывае на экалёгію пажар на складзе «Wildberries», але ж ён упэўнены, што ІКСУ пажар сапраўды не пашкодзіць. Назавіце ІКС адным словам.

У творы Стывена Кінга ёсьць саманаводныя ручныя гранаты, якія могуць зьмяняць траекторыю свайго лёту. На скрыні з такімі гранатамі намаляваны хлопчык у акулярах. Напішыце аднаскладовую назву гэтых гранат.

Назву «ЁН» атрымала хваставая костка Y-вобразнай формы, якая зьяўляецца адметнай асаблівасьцю некаторых жывёлаў. Можна сказаць, што «ЯНЫ» некалькі разоў сустракаюцца ў гэтым тэксьце. Якое слова францускага паходжаньня мы пазначылі словам «ЁН»?

У дачыненьні да людзей, якія даносілі ўладніку розныя плёткі, блёгер ужывае састарэлы дзеяслоў. Назва якога аксэсуара, прататыпы якога зьявіліся пад канец 19-га стагодзьдзя, у расейскай мове паходзіць ад тых жа словаў, што й гэты дзеяслоў?

У 1970-х гадах опэру Сяргея Слонімскага паводле вядомага твора забаранілі да інсцэнізацыі. Аднак праз шмат гадоў глядач усё ж убачыў працу майстра. Артыкул аб прэм’еры опэры мае загаловак «ТАКАЯ партытура». Адкажыце словам з двума прыстаўкамі: якая ТАКАЯ?

У адным коміксе рыэлтарка паступова паказвае сьлімаку новае жыльлё. Мне сюжэт комікса нагадаў ГЭТА. Назавіце ГЭТА даволі дакладна.

У гэтым пытаньні двойчы прапушчаны два словы, якія пачынаюцца аднолькава. Фанаты часта выступаюць супраць камэрцыялізацыі футбола й, у прыватнасьці, супраць залішняй рэклямы. Так, у Нямеччыне заўзятарам атрымалася дамагчыся адмены матчаў ПРОПУСК. Мяркуючы па назьве, ПРОПУСК часта праходзіў базар... На месцы якой сучаснай сталіцы?

Гісторык расказвае, што нешта вечнае, што дае цяпло, было простай і зразумелай алегорыяй для імпэратарскай улады. Кажучы пра Нярона, які адным зь першых зьвярнуўся да такой алегорыі, гісторык жартуе, што імпэратар пусьціўся ва ўсе цяжкія. Якія два словы мы замянілі чатырма ў папярэднім сказе?

У эпізодзе «Грыфінаў» строгі дырэктар звальняе паважанага калегамі супрацоўніка. Калі гэты супрацоўнік пакідае офіс, калегі шматразова выкарыстоўваюць слова «таўстун». Пародыяй на які фільм 1980-х зьяўляецца гэта сцэна?

Кажучы аб спрэчках паміж заўзятарамі Тарашкевіцы й Наркамаўкі, блёгерка Ліза Ветрава згадвае два тапонімы. Напішыце назву таго зь іх, які вам больш даспадобы.

Шчыра кажучы я не ўяўляю сабе, ці спадабаецца гэтае пытаньне гульцам, аднак, я вырашыў узяць сябе ў рукі, заварыў гарбаты... Я, ведаеце, люблю рамонкавую гарбату. Яна́ супакойвае. І вось, атрымліваючы асалоду ад далікатнага водару рамонкавай гарбаты, я паглядзеў адзін відэаролік на сваім улюбёным ютуб-канале. Там вельмі клёвы музычны журналіст Саша Чарнуха расказаў пра тое, што напрыканцы 1980-х гадоў Слава й Сяргей пасьля расколу свайго папярэдняга гурта былі ў пошуках сябе. Ведаеце, мне крыху няёмка, што пытаньне атрымаецца не зусім звычайным, але ж журналіст, працягваючы сваё апавяданьне, расказаў, что ў тый жа час на беларускую мову быў часткова перакладзены твор першай трэці 20-га стагодзьдзя. А можа сказаць, што гэта твор першай паловы 20-га стагодзьдзя? Ня вельмі вялікая розьніца. Твор спытаць? Не. Лепш адкажыце словам з дзьвух складоў: які гурт быў заснаваны Вячаславам і Сяргеем у 1988 годзе?

Гледзячы на поле ІХ, гераіня песьні жадае быць з каханым. Якая рака застанецца, калі здуць зь ЯГО некалькі літар?

Палітык зь фільма пра сусьветную вайну, выступаючы перад салдатамі, кажа, што хутка — сьвіта, але страх трэба пераадолець. Якія некалькі словаў мы замянілі адным у папярэднім сказе?

У 2022 годзе некалькі энтузіястаў выдаткавалі 43 гадзіны, каб зрабіць GPS-малюнак дыназаўра даўжынёй у 1025 кіламетраў. Назавіце гэтага дыназаўра.

У гэтым пытанні слова ІКС замяняе слова з двума каранямі. У 1923 годзе Леон Бакст выступіў у Нью-Йорку з лекцыяй о модзе і дызайне. За гэта ён атрымаў 2000 даляраў – больш за 36 тысяч даляраў зараз. Самакрытычны Бакст параўноўваў сябе з Шаляпіным, які зарабляў вялікія грошы спевам. У гэтым сэнсе Бакста можна назваць папярэднікам ІКСаў. Каго мы замянілі словам ІКСы?

У школе Фрэнку Запе трапіўся падручнік, дзе ІХ апісвалі як "аркестравых блазанаў". "Аўтара гэтага падручніка забаўляла, што дарослы чалавек зарабляе на жыццё, пакідаючы пад крэслам лужыны сліны", — прыгадвае свае ўражанні Запа. Назавіце інструмент, на якім граюць гэтыя музыкі.

Дуплет — два пытанні па 30 секунд абмеркавання на кожнае. Каманды здаюць адказы на адным бланку. 1. У снежні 1971 года ЗРАБІЦЬ ГЭТА маглі двойчы: спярша выпадковы глядач у Мантро, а праз тыдзень Трэвар Хоўвэл у Лондане. Вынікам другога інцыдэнта сталі шматлікія траўмы. Якія два словы на адну літару мы замянілі на ЗРАБІЦЬ ГЭТА? 2. ЗРАБІ ТО — парадаксальная назва падкаста на беларускай мове. Якія два словы на адну літару мы замянілі на ЗРАБІ ТО?

На вокладцы кнігі Віктара Пялевіна гігант абдымае дзяўчынку ў ружовай кофтачцы. Назавіце любога з аўтараў, чые творы былі скарыстаны для гэтага калажу.

У пятай частцы эратычнай кінафраншызы “Эмануэль” загалоўная гераіня пасля прэзентацыі свайго фільма на Канскім фестывалі трапляе ў палон да султана. У рэцэнзіі на “Эмануэль 5” Юрый Герман саркастычна заўважае, што, на жаль, у гераіні атрымліваецца выбрацца з гарэму, і… Скончыце думку крытыка.

У жартоўнай навіне з аднаго сайта сказана, што ў Беларусі забаранілі песні мёртвых артыстаў. Чыноўнікі ўзяліся складаць іх спіс, але не здолелі вызначыцца з двума з іх. Назавіце гэтых дваіх, улічыўшы, што для адказу вам можа хапіць шасці літар.

Персанаж серыяла "1670" кажа, што Бог, гонар і Айчына — гэта тры самыя распаўсюджаныя ЯНЫ польскіх шляхцічаў. Можна сказаць, што біёлаг Вэндзі Норткат стала калекцыянаваць ІХ у 1993 годзе. Чаму быў прысвечаны сайт, які Норткат заснавала годам пазней?

Апынуўшыся ў квартале піцерскіх навабудаў, Сяргей Даўлатаў сказаў, што Леў Талсты не пагадзіўся б жыць у гэтым раёне. Анатоль Найман, які пачуў гэта, заўважыў, што Талсты не пагадзіўся б жыць у гэтым горадзе. Якія дзве літары мы дадалі ў мінулы сказ?

Бліц. Тры пытанні па 20 секунд абмеркавання на кожнае. Адказы на ўсе тры пытанні здаюцца на адным бланку. 1. У адным меме Нэа занадта літаральна разумее інструкцыі і апынаецца ў ТАКОЙ ЁЙ. Якія два словы мы замянілі на ТАКУЮ ЯЕ? 2. Кіп Торн сумняваўся, што герой фільма, які выйшаў праз 15 гадоў пасля "Матрыцы", змог бы выжыць у ГЭТКАЙ ЁЙ, аднак дапусціў такі варыянт развіцця падзеяў. Якія два словы мы замянілі на ГЭТКУЮ ЯЕ? 3. Адкажыце, хто жыў у ЁЙ у творы 1937 года?

Як у арыгінале называецца песня, пераклад якой вы бачыце на раздатцы?

У сярэднявечнай Японіі ронін — гэта самурай без сюзерэна. Сёння гэтым словам называюць людзей у незайздросным становішчы. Мы не пытаемся ў вас, як такіх людзей называюць у Беларусі. Чаго павінен пазбавіцца сучасны японец, каб яго можна было назваць ронінам?

Механізм утварэння японіскіх смайлікаў адрозніваецца ад прынятага ў нас. Адкажыце адным словам, што абазначае японскі смайлік, у якім побач стаяць закрывальная фігурная дужка і адкрывальная фігурная дужка.

Увага! У пытанні ёсць замена. Аўтары іранічнага сайта NewsBelarus.Net збіраліся весці рубрыку з парадамі шансанье. З размешчаных у ёй матэрыялаў можна было б даведацца пра “Спадчыну”, “Дэметру”, “Рапсодыю”, “Містэр Ікс” і гэтак далей. Якое слова мы замянілі ў гэтым пытанні?

Увага! Чорная скрыня! Вядома, што ў Янкі Купалы была калекцыя, якую ён называў “маё маленькае мора”. Літаратар любіў перабіраць свае экспанаты, бо гэта супакойвала. Што ў чорнай скрыні?

У кнізе «Чаго не ПРОПУСК» расказваецца пра персідскага жраца-рэфарматара. Запоўніце ПРОПУСК двума словамі.

У адным інтэрв'ю малады рок-музыка Аляксандр «Рыкашэт» Аксёнаў сказаў, што некаторы час пераймаў Элвіса Прэслі, а менавіта... Што рабіў?

Ідыёмай «узыходзіць месяц» характарызуюць чалавека, які... Закончыце дзеясловам.

Падол сукенкі гераіні аднаго рамана занесены пяском, і здаецца, што яна ПРОПУСК АДЗІН. Аўтар пытання лічыць, што частка сучаснай фантастыкі ПРОПУСК ДВА. Запоўніце любы з пропускаў, якія нельга адрозніць на слых.

Пісьменніка Эміліа Сальгари, які быў знаёмы з Бафала Білам, называюць дзядулем ІХ. Каго называюць ІХ бацькам?

У ліпені якога года куранты Біг-Бэна спрацавалі па-за раскладам, прабіўшы трыццаць удараў?

Адзін горад ЗША, заснаваны французскімі гандлярамі, названы ў гонар віду спорту. Па супадзенні праз горад праходзяць дзве чыгуначныя лініі. Назавіце гэты від спорту.

У 1964 годзе ў разгар папулярнасці Бітлз была зроблена фатаграфія, на якой можна ўбачыць васьмярых бітлоў. Дзе гэтая фатаграфія была зроблена?

Адмысловы посуд для ЯЕ традыцыйна робяць з срэбра або іншага бліскучага металу. Бо некалі высновы рабілі пры святле свечкі або факела. Адкажыце двума словамі: што такое ЯНА?

Дэвід Атэнбара з сумам адзначае, што ў Меконгу ўжо ловяць рыбу ТАКОЙ ЁЮ. ЯЕ называюць ТАКОЙ і, напрыклад, у Беларусі, хоць натуральнай прычыны для гэтага няма. Якой ТАКОЙ?

Ружа Макенберг часам прадстаўлялася суразмоўнікам псеўданімам Фрэнсіс Рауд і распавядала гісторыю пра сваё памерлае дзіцё. На якога амерыканца Ма́кенберг прапрацавала некалькі гадоў?

Калi французскi пісьменнiк Жан Шаброль прыехаў у Японiю, то яму многае здавалася незвычайным. Але ўбачыўшы ГЭТА, ён адразу згадаў брэтонскi аналаг. Што такое ГЭТА?

У Абу-Дабі ёсць шаснаццаціметровы востраў, які малюе карціны на пяску. Якое слова ў гэтым пытанні мы замянілі словам «востраў»?

У 1950-х пад канец свайго жыцця яна пасялілася на Манхэтэне ў добра асветленых апартаментах. Па яе словах, цёмных пакояў у яе жыцці было занадта шмат. Напішыце яе імя.

Аўтар пытання прыдумаў мнеманічнае правіла, і жывёла, якая раней у яго асацыявалася з развітаннем, цяпер на іншай мове асацыюецца з падзякай. Назавіце гэту жывёлу і напішыце гэтую падзяку.

На пытанне «дзе самыя смачныя дранікі?» большасць рэспандэнтаў Старавойтава Ягора адказвала «ў мамы». Такую заканамернасць аўтар апытання звязвае з ІМ. Адкрыццё ЯГО прыпісваецца заолагу Ко́нраду Ло́рэнцу. Назавіце ЯГО двума словамі.

Па сюжэце аднаго беларускага серыялу школьнікі знаходзяць старадаўнія манеты. Серыял называецца «ІКСЫ». Назавіце ІКСЫ двума словамі, якія маюць аднолькавыя тры літары.

Каментуючы нечаканыя вынікі нядаўняга конкурсу ад Міністэрства Культуры, Мікіта Моніч адзначыў, што сутнасць пераможцы ў намінацыі «Актуальнае мастацтва» — гэта добры перфоманс. Якія дзве літары мы прапусцілі ў мінулым сказе?

Даследчык Мікалай Сарока прасоўвае версію, згодна з якой Францыск Скарына быў хворы на падагру. Сарока піша, што з першага погляду гэты аўтапартрэт для чалавека з рэпутацыяй Скарыны можа падавацца дрэннай ЁЮ, але, калі ўлічыць, што ён першы падагрык, які быў адлюстраваны ў падобнай позе, ЯНА ўсё ж такі добрая. Назавіце ЯЕ адным словам.

У гэтым туры на пытанне нумар пяць здаваць адказ не трэба. Старавойтаў Ягор лічыць, што наступным намеснікам па Мінскай вобласці у БЛІК (Беларускай Лізе Інтэлектуальных Каманд) павінен стаць ЁН. Назавіце ЯГО.

У 1940 годзе з-за недахопу школьных настаўнікаў ЯМУ даверылі весці яшчэ і ўрокі гісторыі і астраноміі. Які ў ЯГО быў асноўны прадмет?

У пачатку XIX стагоддзя Міхаіл — шляхціц з роду татарскіх мігрантаў — ажаніўся з Жазэфінай. Якое прозвішча меў Міхаіл?

У выніку падзей 2008 году адбыліся масавыя скарачэнні. Напрыклад, «Нью-Ёрк» паменшыўся на 12.5%, а ЯНА перастала быць вялікай. Напішыце ЯЕ.

Для стварэння якаснай пошукавай сістэмы патрэбна вялікая колькасць дадзеных. Адзін з сервісаў Яндэкса, у якім розныя людзі могуць дапамагчы ў зборы дадзеных, называецца «ЯНА». Напішыце ў бланк, што такое ЯНА, але так, каб кожны з гульцоў каманды напісаў мінімум па адной літары.

Паглядзеўшы інтэрв'ю з дырэктарам адной беларускай кампаніі, Старавойтаў Ягор па аналогіі з больш вядомым вынайшаў правіла, у якім фігуравалі «чэрвень», «ліпень», «жнівень», «верасень» і адно выключэнне — «студзень». Назавіце гэтую кампанію.

Перад вамі герб пад назвай «Крыж». Па адной легендзе пра стварэнне герба, пры падзеле спадчыны адзін з братоў Любічаў быў абдзелены, таму той вырашыў не мець больш ніякіх стасункаў са сваякамі. Якія тры літары ў пытанні мы замянілі адной?

У пытанні слова ЯНА замяняе двухлітарную абрэвіятуру. Адказваючы на пытанне, чаму для агучкі ЯЕ звычайна выкарыстоўваюць жаночыя галасы, Аналіз Нювіц мяркуе, што такім чынам стваральнікі спрабуюць дамагчыся «эфекту маці, якая клапоціцца». У якім фільме ЯНА кідае хлопца дзеля атрымання новых ведаў?

Адна з казак Дзеда Янкеля тлума́чыць, што зараз зімы не такія марозныя, бо чортаў стала менш. Згодна з ёю чорт пацікавіўся сакрэтам моцу паляшука, а той пажартаваў з яго, прапанаваўшы вылечыцца. Адно слова з мінулага сказу мы пазбавілі адной літары. Якой?

Па альтэрнатыўнай легендзе, пан Багуцкі, які меў маленькія шанцы на валоданне зямлёй, для перамогі ў спаборніцтве зрабіў нейкае дзеянне. Падобнае дзеянне згадваецца ў іншай легендзе, якая тычыцца… якой зямлі?

[Вядучаму: пасля прачытання першага сказу пытання зрабіць паўзу. Два чалавекі з аргкамітэту ўстаюць і становяцца ля выхаду ў позе ахоўнікаў] Аргкамітэт турніру не выпусціць нікога з залы, пакуль хто-небудзь не возьме гэтае пытанне. Падчас Парыжскага салону 1867 году польскія магнаты спрабавалі купіць адну карціну, але ў выніку тая дасталася аўстрыйскаму імператару, таму і захавалася да нашых дзён. Якое прозвішча прысутнічае ў назве гэтай карціны?

У 2022 годзе беларускі гісторык Ілля Лямёшкін пакінуў у навуковым артыкуле для расійскіга часопіса зварот да чытача. Рэдакцыя гэтага не заўважыла і адправіла наклад у друк. Якому вядомаму чалавеку быў прысвечаны гэты артыкул?

Згодна з адной канцэпцыяй распрацоўкі праграмнага забеспячэння, версія прадукту спачатку выпускаецца для невялікай долі пляцовак, каб хутка паправіць памылкі, калі версія не ўзляціць. У назве гэтай канцэпцыі фігуруе АЛЬФА. Адкажыце словам, утвораным ад тапоніма: хто такая АЛЬФА?

Тар — гэта музычны інструмент. Іграючы на тары, некаторыя музыкі прызнаюцца, што невыпадкова трымаюць яго занадта сур'ёзна. Якія тры словы мы замянілі двума ў тэксце гэтага пытання?

У пытанні двойчы прапушчаны адны і тыя ж два словы. Нейкае правапарушэнне ў Германіі можа прывесці нават да турэмнага тэрміну. Можна сказаць, што адна нямецкая грамадская арганізацыя, аплочваючы штрафы, тым самым ПРОПУСК ад зняволення. Які загалоўны герой ПРОПУСК у вядомым творы 19-га стагоддзя?

Гаворачы аб тым, чаму адзін вытворца ПЕРШАЙ стылізаваў элемент сваёй прадукцыі пад ДРУГОЕ, Джэк Мал адзначае і практычную функцыю. Так, палі ДРУГОГА дазваляюць адмераць неабходную колькасць солі. Назавіце ПЕРШУЮ і ДРУГОЕ словамі, якія пачынаюцца на суседнія літары алфавіту.

Арцём Мельнік піша, што жыхары пасляваеннага Берліна перайначвалі назвы раёнаў горада на змрочны манер. Так, раён Ліхтэрфельдэ празвалі Трыхтэрфельдэ, што можна перавесці як "поле ІХ". Іншая ЯНА часта выкарыстоўваецца маркетолагамі. Назавіце ЯЕ.

У пытанні двойчы прапушчаны адны і тыя ж два словы. Распрацаваная Рудольфам Штайнерам методыка досыць строгая. Так, у дзіцячым садзе, які працуе па методыцы Штайнера, шасцігадовыя дзеці на пэўных занятках могуць выкарыстоўваць усяго ПРОПУСК, а малодшыя — яшчэ менш. Што сімвалізуюць ПРОПУСК у аднайменным цыкле канца 20-га стагоддзя?

Гераіня рамана Маржан Сатрапі "Персеполіс" параўноўвае ПЕРШУЮ з ДРУГІМ, бо яны павінны рухацца, каб не рухнуць. У многіх мовах словы "ПЕРШАЯ" і "ДРУГІ" маюць падобную этымалогію. Назавіце ПЕРШУЮ і ДРУГІ словамі, якія пачынаюцца на адну і тую ж літару алфавіту.

Апісваючы іранскі ўніверсітэт, гераіня Маржан Сатрапі заўважае, што студэнты і студэнткі павінны былі нават выкарыстоўваць розныя АЛЬФЫ. "АЛЬФА" — пераклад назвы вядомага будынка, спраектаванага Джузэпэ П'ермарыні ў 18-м стагоддзі. Назавіце АЛЬФУ.

Гуза, якая з'яўляецца з-за частага сутыкнення з малітоўным дыванком, лічыцца прэстыжнай. Расказваючы пра тое, як робяць некаторыя іранскія дзеячы, аўтар аднаго артыкула згадвае выкарыстанне ЯЕ. У артыкуле аб паходжанні іншай ЯЕ фігуруе свечка, якую перадавалі па коле. Назавіце ЯЕ двума словамі.

Амаль чатыры гады таму Кірыл Сярэбранікаў ЗРАБІЎ ГЭТА, нягледзячы на абмежаванні. Аўтар пытання ЗРАБІЎ ГЭТА на паліцу разам з “Тысячай і адной ноччу” і “Чумой”. Якія два словы мы замянілі словамі "ЗРАБІЦЬ ГЭТА"?

Вядомая кампанія стала банкрутам яшчэ ў першай палове 1980-х. У будучыні, пасля банкруцтва, заснавальнік кампаніі пачне прадаваць гадзіннікі з нержавеючай сталі, у назве якіх мы замянілі адну літару іншай. Напішыце прозвішча гэтага чалавека.

У адной са сваіх менш вядомых песень Алівія Радрыга прызнаецца, што не ўмее выконваць ЯЕ. На думку крытыкаў, спявачка таксама мае на ўвазе і няздольнасць упісацца ў таварыства аднагодкаў. Назавіце ЯЕ двума словамі, якія пачынаюцца аднолькава.

У пытанні ёсць замена. На адной жартоўнай выяве Алівію Радрыга можна ўбачыць ў касцы. У англамоўным подпісе да выявы сцвярджаецца, што ў Радрыга як сонграйтэра асабліва атрымоўваецца РАБІЦЬ ГЭТА. Якім лацінскім словам называлі чалавека, які ўмее РАБІЦЬ ГЭТА?

Сінгл Арыяны Грандэ No Tears Left To Cry выйшаў як рэфлексія аб тэракце, які адбыўся на канцэрце спявачкі годам раней. Можна сказаць, што ў каталогу альбома, які выйшаў пасля, песня была адзінай ПРОПУСК1 побач. Паверхня ПРОПУСК2 — прасторавая варыяцыя, таксама запатэнтаваная французам. Запоўніце любы з пропускаў.

Па легендзе, стваральнік драўлянага алтара ў сінагозе Гомбіна быў настолькі таленавіты, што пры працы выкарыстоўваў толькі ІКС. Пры працы над гэтым турам іншы ІКС рэдактар не выкарыстоўваў. Назавіце ІКС аднаскладовым словам.