Рэдактары дзякуюць за дапамогу ў падрыхтоўцы тура камандзе «Бешеная газель», Аляксандру і Алене Раждзествіных, Анне і Пятру Буйных, Міхаілу Іванову, Святаславу Касовічу, Віктару Чапою, Сяргею Цярэнцьеву, Аляксандру Карабейнікаву і Антону Саксонову.
Падол сукенкі гераіні аднаго рамана занесены пяском, і здаецца, што яна ПРОПУСК АДЗІН. Аўтар пытання лічыць, што частка сучаснай фантастыкі ПРОПУСК ДВА. Запоўніце любы з пропускаў, якія нельга адрозніць на слых.
Адзін горад ЗША, заснаваны французскімі гандлярамі, названы ў гонар віду спорту. Па супадзенні праз горад праходзяць дзве чыгуначныя лініі. Назавіце гэты від спорту.
Адмысловы посуд для ЯЕ традыцыйна робяць з срэбра або іншага бліскучага металу. Бо некалі высновы рабілі пры святле свечкі або факела. Адкажыце двума словамі: што такое ЯНА?
Дэвід Атэнбара з сумам адзначае, што ў Меконгу ўжо ловяць рыбу ТАКОЙ ЁЮ. ЯЕ называюць ТАКОЙ і, напрыклад, у Беларусі, хоць натуральнай прычыны для гэтага няма. Якой ТАКОЙ?
Ружа Макенберг часам прадстаўлялася суразмоўнікам псеўданімам Фрэнсіс Рауд і распавядала гісторыю пра сваё памерлае дзіцё. На якога амерыканца Ма́кенберг прапрацавала некалькі гадоў?
Калi французскi пісьменнiк Жан Шаброль прыехаў у Японiю, то яму многае здавалася незвычайным. Але ўбачыўшы ГЭТА, ён адразу згадаў брэтонскi аналаг. Што такое ГЭТА?
У 1950-х пад канец свайго жыцця яна пасялілася на Манхэтэне ў добра асветленых апартаментах. Па яе словах, цёмных пакояў у яе жыцці было занадта шмат. Напішыце яе імя.
Аўтар пытання прыдумаў мнеманічнае правіла, і жывёла, якая раней у яго асацыявалася з развітаннем, цяпер на іншай мове асацыюецца з падзякай. Назавіце гэту жывёлу і напішыце гэтую падзяку.